काठमाडौं। सुशीला कार्कीको बहिर्गमन र सर्वपक्षीय सरकारको माग गर्दै माइतीघरमा संयुक्त जेनजी आन्दोलनले प्रदर्शन गरेको छ ।
जेनजी अगुवा मिराज ढुंगाना नेतृत्वको समूहले सोमबार सर्वपक्षीय सरकार गठन, जेनजीका माग सम्बोधनलगायत माग राख्दै प्रदर्शन गरेको हो ।
सुशीलाले आन्दोलन हाइज्याक गरेको र जेनजीका माग पूरा गर्न चासो नदेखाएको आन्दोलनकारीको आरोप छ ।
उनीहरूले प्रधानमन्त्री कार्की र गृहमन्त्री ओम प्रकाश अर्यालविरुद्ध नाराबाजी गरेका छन् ।
आन्दोलनमा निकोलस भुसाल पनि मिसिएका छन् ।
प्रदर्शनका लागि अनुमति नलिएको भन्दै प्रहरीले बल प्रयोग गरेर केही प्रदर्शनकारीलाई नियन्त्रणमा समेत लिएको छ ।
७ पुस २०८२, सोमबार १२:२३ मा प्रकाशित
