काठमाडौं। नेत्रहीन महिला टी-२० विश्वकपको उपाधिका लागि आज आइतबार नेपाल र भारत भिड्दैछन् ।
खेल बिहान १० बजे श्रीलंकाको कोलम्बोस्थित सारा क्रिकेट मैदानमा हुनेछ । नेत्रहीन महिला विश्वकप भारत र श्रीलंकामा संयुक्त रूपमा आयोजना भएको हो।
नेपालले शनिबार कोलम्बोमा खेलिएको सेमिफाइनल खेलमा पाकिस्तानलाई सात विकेटले हराउँदै फाइनलमा भातरसँगको भेट पक्का गरेको हो ।
पाकिस्तानले पहिले ब्याटिङ गर्दै एक सय ६९ रन बनाएको थियो । जवाफमा नेपालले १७ ओभरमै केवल तीन विकेट गुमाएर विजय लक्ष्य पूरा गर्यो ।
भारत भने पहिलो सेमिफाइनल खेलमा अस्ट्रेलियालाई हराउँदै फाइनलमा पुगेको हो ।
८ मङ्सिर २०८२, आईतबार ०९:१५ मा प्रकाशित
